As gelowiges het ons ’n natuurlike roeping om om te gee, maar ware omgee gaan oor meer as net uitdeel. Dit vra dat ons dieper delf – dat ons nie net onmiddellike nood verlig nie, maar mense ook bemagtig om selfstandig en volhoubaar te groei. Hoe maak ons hierdie skuif van korttermyn-liefdadigheid na gemeenskapsontwikkeling wat werklik impak het?

Ons het drie mense wat reeds in hierdie veld werk gevra om hieroor te dink en te skryf. Hulle bring elkeen ’n unieke perspektief, gegrond op hul ervaring in die praktyk:

• Ds. William Ficks (VGK Porterville) verduidelik die verskil tussen liefdadigheid en gemeenskapsontwikkeling en hoe hulle mekaar kan aanvul.
• Dr. Daniël de Wet (PSD by Getuienisaksie, NG Kerk) waarsku teen die gevare van ’n “redder-kompleks” en wys hoe ons langs mense kan loop sonder om hulle afhanklik te maak.
• Aletia Grundling (Uitvoerende Hoof van MCM) deel praktiese voorbeelde van hoe gemeenskapsontwikkeling ’n verskil maak wanneer dit met langtermynvisie gedoen word.