As ’n mens Suid-Afrika net deur die comments van sosiale media leer ken het, sou jy dink ons kan mekaar nie verdra nie. Aanvaar ons nie dalk die hardste stories oor ons land as die enigste stories nie? Want gaan stap ’n slag weg van die skerm af...

By Goodwood Moedergemeente het Tannie Louise Roberts vir dekades mense bedien, veral seniors. Haar storie herinner ons dat die kerk dikwels gebou word deur mense wat getrou bly opdaag en mense met liefde te dien.

By Badisa se jaarvergadering vlieg papier letterlik én figuurlik. Maar agter elke verslag, vorm en statistiek is ’n mens. Dié rubriek kyk na herderswerk, waardigheid en die kuns om tussen al die papierwerk steeds mense raak te sien en soek na wat moontlik kan word.

Soms reën dit in die Karoo en soms gebeur daar meer in gemeentes as wat syfers deurgee. ’n Ringsitting in Fraserburg word ’n herinnering aan God se teenwoordigheid, nuwe moontlikhede en moed vir gemeentes.

Tiaan Botha het oorkant NG Kerk Bellville-Vallei grootgeword, maar eers as drummer en later skriba ontdek hoeveel meer binne die bekende kerkgebou gebeur. Sy storie wys hoe ’n eenvoudige “ja” soms ’n hele wêreld oopmaak.

Ria Strydom van La Rochelle-gemeente besoek VGK Delft vir ds. Pieter Grove se afskeidpreek en ontdek hoe maklik indrukke ons blik op ’n plek en sy mense kan bepaal. Tussen sang, afskeidswoorde, herinneringe en ’n feesmaal word sy uitgenooi om anders te kyk.

Wat gebeur wanneer elke tree, draai, alle aankope en prestasie konstant gemeet word? As ons hele lewe op ’n dashboard verskyn, bly daar nog ruimte om bloot mens te wees, sonder punte, teikens en applous? Wat bly dan van ons oor?

Onder ’n boom het Anandie Greyling vir die eerste keer ernstig oor haar roeping gebid. Jare later bring daardie gebed haar Kaap toe, as Kaapkerk se nuwe PSD van Gemeentebegeleiding, waar sy gemeentes help floreer.

Op ’n sypaadjie in Prince Alfred Hamlet deel kerkmense pannekoek en koffie uit. Die ontmoetings laat Jonette nuut dink oor geloof, dissipelskap en hoe ’n mens Jesus met ander deel. Sommer daar en dan.

Witness Ministry’s first Boys2Men Camp encouraged young boys to grow in courage, responsibility, fellowship and trust in God. The weekend theme was BRAVE: Brotherhood, Respect, Accountability, Vulnerability and Empathy.

Die spanwerk en entoesiasme waarmee die kinders werk, is so aansteeklik dat dit uitgebrei het na al die ander aktiwiteite by die skool. Dit is net te wonderlik om te sien – ’n mens kan dit nie beskryf nie, net beleef.

Wanneer die laaste vraestel klaar is, is die spanning nie altyd uit ’n kind se lyf nie. Soos Elia onder die besembos, is daar soms eers moegheid, stilte en trane. En dalk begin genade juis daar, met rus vóór raad.

Daar is mense wat by ’n kantoor instap, hulle werk doen, e-posse antwoord, hul koffiebeker uitspoel en weer huis toe gaan. En dan is daar mense soos Danelle Jordaan. Mense wat nie net ’n pos vul nie, maar ’n atmosfeer skep.

Na sy eerste Comrades-marathon kon ds. Theo Swart van Parowvallei-Oos nie ’n mes en vurk vashou nie. Byna vyftig jaar later word dié gebalde vuiste ’n geloofsbeeld van oop hande, genade en Christus se uitnodiging: “Kom na My toe” wat hy aan ander atlete oordra.

Ronelda Visser neem ná sewe jaar as Kaapkerk se kommunikasie-bestuurder afskeid. Ons kyk terug op haar roeping, die stories wat sy gehelp vertel het en hoe sy ons gehelp het om God se werk tussen mense raak te sien.

Ontmoet Ds Wihan Rossouw en sy vrou, Ayla. Dié nuwe predikantspaar van Hottentots-Holland Familiekerk het ’n passie vir die bediening, musiek en mense. Hulle storie is een van roeping, ontmoeting en ’n gedeelde hart om God te dien.

Sinani, 'n Nguni-woord wat beteken: “Ons is met julle” nooi die kerk om weer langs mense te leef, nie net vir hulle te doen nie. ’n Eerlike gesprek met Diaconia oor diens, gemeenskap en die stories wat ons nog moet begin raaksien.

Prof. Pieter Coertzen, ʼn voorste kerkregkenner en bekende in kerklike en akademiese kringe het op 11 Maart op die ouderdom van 82 jaar afgesterf. Hy is die welbekende skrywer van Gepas en Ordelik, ʼn voorgeskrewe werk wat vele studente mee bekend was.

Die NG Kerk neem afskeid van Christo Alheit, ’n prediker, leier en mens wat diep spore getrap het sonder om hard te trap. In verskeie gemeentes, en in sy rol as saakgelastigde van die sinode (Wes-Kaap) het hy ’n pad van diens gestap wat baie mense geraak het.

Valentynsdag hoef nie net oor rose en romantiek te wees nie. Ontdek sewe Bybelverse saam met jou Valentyn wat liefde eerlik, prakties en teologies anker vir paartjies wat weet verhoudings vra meer as net gevoelens.

Barrydale-orrelis Henriette Oosthuizen se 42 jaar lange diens vertel ’n storie van musiek, roeping en volgehoue toewyding. Waar note en geloof saamgeklank het, het ’n blywende nalatenskap in dié gemeente in die Overberg posgevat.

Van gemeentebediening tot kontemplatiewe spiritualiteit: Kaapkerk stel die rustige en kontemplatiewe Willem Smit bekend as nuwe spiritualiteitskoördineerder by die Andrew Murray Sentrum vir Spiritualiteit.

Die jaarlikse Tienerleier Indaba was beslis ’n eerste vir die historiese Andrew Murray Spiritualiteit Sentrum in Wellington! Ses-en-dertig entoesiastiese tienerleiers het geesdriftig kleur verleen aan die statige, eeue-oue geboue op die pragtige Bolandse dorp.

Twee gemeentes in Kuilsrivier het op ’n feestelike manier die oordrag van ’n kerkgebou gevier. Die NG Gemeente Digtebij en die Morawiese Kerk Kuilsrivier stap al ’n lang pad saam – ’n pad vol uitdagings, maar uiteindelik ’n getuienis van vertroue in God se wil.

Ria Strydom skryf oor hoe Anika Bornman se grootste uitdaging nie haar gestremdheid is nie, maar die manier waarop mense soms na haar kyk: “Ek het ’n broertjie dood aan mense wat vaskyk in my rolstoel en nie my as mens sien nie.”

Welgemoed-gemeente het die afgelope naweek op 'n luisterryke wyse afskeid geneem van Heerden van Niekerk en sy vrou Hannelie. Heerden was vir 28 jaar by die gemeente en het ook twee termyne op die moderatuur van die Wes-Kaapse Sinode gedien.

Die tamboeryn in die hande van Adolf laat aanbidding asemhaal. Van rustige beweging tot volgehoue dans, sien Diederick Basson hoe musiek, liggaam en gees saamvloei in ’n lewendige uitbeelding van Psalm 149 en die vreugde van lof.

’n Eeue-oue roeping leef voort in tannie Hanna Hopkins – die doen-vrou agter Huis Hanna Hopkins. Haar lewe, vol deernis en diens, bly ’n baken van lig vir siekes en hul families naby Groote Schuur. DJ Muller en Wilmi Wheeler het by haar gaan kuier.

’n Dominee in ’n dinosouruspak? Dis nie ’n grap nie, dis kinderbediening! Mia Oliver van NG Kerk Sonstraal bring nuwe lewe in die gemeente met Tina die T-Rex. As jong dominee ontdek sy dat lag ’n soort liturgie kan wees.

Die waarderingstee vir oud-sendelinge wat elke jaar deur Getuienisaksie gehou word, is gekenmerk deur herinneringe, gesellige saamwees en die dankbare erkenning van God se getrouheid.

Ds. Jako Visser neem afskeid van die gemeentes in Ottery en Zwaanswyk en begin saam met sy gesin ’n nuwe hoofstuk by Strand-Noord. Lees sy refleksie oor diversiteit, klein gemeentes se groot impak en God se trou.

MES (Mould Empower Serve) bring hoop en waardigheid terug in die strate van Bellville. Grant se storie wys hoe verlies ’n nuwe begin kan word. Ontdek hoe jou gemeente saam met MES ’n tasbare verskil kan maak.

Leon Durie vertel met humor, selfspot en rou eerlikheid van sy jare lange verhouding met sy pasaangeër. ’n Verhaal oor afhanklikheid, oorlewing en die onvoorspelbare maniere waarop ’n hart bly klop.

Na amper tien jaar as PSD vir Toerusting en Navorsing het dr. Pieter van der Walt afgetree – 'n teoloog wat nie net sy vak beoefen nie, maar dit voluit leef. 'n Afskeidsgeleentheid is vir hom gehou op 24 Julie 2025.

Wat beteken dit om terug te kyk met dankbaarheid en vorentoe te leef met vertroue? Ná 43 jaar in die bediening, deel Theo Swart eerlik en met humor oor sy reis van roeping, uitbranding, vreugde en vernuwing.

G.P. en Elizma Kellermann groet Worcester-Audenberg ná dekades in die bediening. ’n Getuienis van roeping, dankbaarheid en nuwe horisonne met ruimte vir kuns, rus en dalk weer diens, as die Here dit wil.

Is jy ’n pa wat net meet, of een wat ’n atmosfeer skep waarin jou kinders floreer? Ontdek wat dit beteken om ’n termostaat-pa te wees. Christi Thirion help ons om, veral met die oog op Vadersdag, hieroor te dink.

Dr. Kobus van Zyl reis keer op keer alleen na die rand van Afrika in Suid-Soedan met net gebed en roeping as bagasie. Hy dra die mense van Suid-Soedan naby aan die hart - soos iets broos en kosbaar wat jy versigtig vashou.

Wanneer ons deur donker tye gaan, lê die moontlikheid van nuwe lewe reeds in ons. Elke sterwe dra die saad van verbeelding, liefde en vryheid in sig. Marina de Wet se dogtertjie het haar onlangs gehelp om dit te besef.

NG Kerk Goudini groet met waardering vir Theresa Appel ná 21 jaar se jeugleierskap en verwelkom vir Jonette Cronje met opgewondenheid. ’n Nuwe seisoen begin, gebou op ’n sterk fondament van troue diens.

Isibindi het onlangs hulle jaarlikse uitreik na Calitzdorp gedoen - hierdie keer saam met hulle ECHO-familie uit Pretoria. Weereens het hulle geleer dat om te gee, jou help groei as volgeling van Jesus. “Saam was ons ’n span met een doel: om met liefde en oorgawe te dien."

#Imagine is nie net ’n kamp nie – dis ’n heilige ontmoeting. Tussen jongmense. Met jouself. Met God. Jy kom vir die vibe, maar jy bly vir die vrede wat jy nie kan verwoord nie. Ria Strydom deel haar ervaring met ons.

Watter gemeente kan spog met ‘n 87-jarige koster wat nie van verlof of vakansie hou nie? Wel, NG Kerk Ladismith kan! Vir sommige mense sal dit tyd wees om agteroor te sit en te rus, maar nie Oom Piet nie. Hy hou die kerk nog in topvorm!

Wanneer die kerk vir vroue bid, erken ons hul waardigheid, stryd en potensiaal. Jesus het vroue gesien en bemagtig - ons moet ook. Mag elke vrou weet sy is gesien, geroep en geliefd. Mag ons nie net bid nie, maar ook sáám met hulle bou.

Hoe help ons sonder om ‘n afhanklikheidskultuur te skep? Hierdie artikel ondersoek die gevare van ‘n “redder-kompleks” en hoe ons eerder langs mense kan loop as om namens hulle op te tree. ‘n Perspektief op ware bemagtiging.

Die ergste lê nog voor,” het sy ma eendag vir hom gesê. Vir Danie du Toit (van Spoegwolf) was dit nie ‘n vloek nie, maar ‘n troos. Geluk is nie iets wat jy móét bereik nie, maar iets wat jy stukkie vir stukkie ontdek – in klein oomblikke wat jy per ongeluk vind.

Dis Vrydagaand. Jy’s reg vir ‘n romantiese fliek, maar ná 15 minute se soekery beland jy óf by ‘n ongemaklike toneel óf ‘n vloekwoorde-marathon. Ons het ‘n lys van 7 flieks wat jy kan kyk én steeds jou dominee in die oë kyk!

By Isibindi leer jongmense wat dit beteken om deel van ‘n familie te wees, nie net in woorde nie, maar in daad. Hier ontdek hulle dat hulle nie net oorleef nie, maar mag lééf. Soos op 29 Januarie, toe 15 van hulle ‘n krieketwedstryd in ‘n stadion bygewoon het.

Kan vergifnis die sleutel wees tot beter gesondheid? Wetenskaplikes onthul hoe hierdie eenvoudige daad jou brein, liggaam en verhoudings kan transformeer. Dié artikel is 'n opsomming van 'n BBC podsending getiteld "The Forgiving Brain".

Danicke Jantzen is ‘n stralende lig in Sonstraal-gemeente, ‘n simbool van vreugde, ywer en die onwrikbare krag van familie-liefde. Haar inspirerende gees oortref die uitdagings van haar seldsame genetiese toestand, CACNA1A.